تحضير ورقة البسطيلة في الدار

تحضير ورقة البسطيلة في الدار للحادكات اللي ما كتصدقش ليهم 

مجربة :

المقادير :

زلافة دقيق أبيض

قبصة ملح

زلافة الى زلافة و نصف ماء

الطريقة :

في المولينكس نضع زلافة ماء حتى لا يلتصق الدقيق في القاع، ثم اضيف الدقيق المخلط مع الملح، و نطحن و اذا احتجت للماء أضيف شوية ماء، تكون العجين جارية قريبة لكثافة عجين البغرير

نضع مقلاة ماكتلصقش ديال البغرير ولا الكريب فوق كاسرونة عامرة ماء ( حمام مريم) و نخلي الماي يغلي حتى تسخن المقلاة، و ناخد شيتة رطبة أو طرف توب نقي نعملو على شكل كموسة توب ، ناخد العجين و نمسح بيه المقلاة الساخنة ، نبدأ من الجناب ثم الى الداخل نخليها شوية حتى تبدأ تتقلع من الجناب و نحيدها

نكون موجدة بلاستيك غدائي مدهون بالزيت، نضع عليه الورقة و ندهنها بالزيت و نمر إللا الورقة الثانية ثم الثالتة الى ان ينتهي العجين.

كل ما حطيت وحدة نرجع نغطيها بالبلاستيك الغدائي باش ما تنشفش

نخليها شوية على ما نوجد الحشو و نستعملها و بالصحة و الراحة