طريقة تحضير رغايف على شكل سيكار
المكونات:
العجين:
زلافة دقيق
معلقة صغيرة من سنيدة
معلقة صغيرة من ملح
معلقة صغيرة من خميرة خبز
م ك زيت
شوية خميرة حلوى
ماء دافىء للعجن
الكل في وعاء وتعجن بالماء الدافىء وتكون العجين لينة ونغطيو العجين ونخليوها تخمر شوية.
الحشوة:
2 جزرات متوسطين مقشرين ومحكوكين
2 قرعات خضرين متوسطين مقشرين ومحكوكين
بلصة متوسطة مقطعة صغير
كفتة
ملح ابزار تحميرة خرقوم ازير شوية حار وشوية زيت
زيتون اخضر مقطع
شوية شعرية صينية
فرماج محكوك
طريقة التحضير:
في مقلاة نضع الزيت وبصلة
ونشحروها شوية تم نزيدوا الجزر وقرعة وتوابل
ونشحروهم شوية ونضيفوا الماء حتى تطيب تم نزيدوا الكفتة
ونشحروهم مزيان حتى ميبقاش الماء فيهم تم نزيدوا الشعرية بعدما درناها في ماء المغلى
وصفيناها تم نزيدوا الزيتون ونزولوا الخليط من فوق النار ونخليوه ايبرد.
ندوزوا للعجين ونشكلوها كور صغيرة ونورقوهم بالزيت وزبدة
وناخذوا من الحشوة (من بعدما بردات وزدنا ليها الفرماج)
ونضعها في طرف العجين ونجمع الاطراف عليها ونلفها
ونضعها في الصينية ونكمل باقي العجين تم ندهنها بالبيض ونرش الخشخاش
ونتركها ترتاح قليلا وندخلها للفرن مسخن من قبل على درجة حرارة متوسطة حتى يتحمروا .