طورطة بالحامض
المقادير:
6 بيضات
180 غرام سنيدة
180 غرام دقيق الفورص
حامضة معصورة
قشور حامضة محكوكة
رشة ملحة
واحد خمارة حمرة
الطريقة:
في إناء كنخدو : البيض كانطلعوه فالطراب مدة 6 دقائق حتال 8 دقائق
وحنا كنضيفو في سنيدة بالملعقة صغيرة حتى كيضعاف لينا البيض مزيان
ملي كنساليو كتطلع ديال البيض صافي كنحبسو الطراب ونبداو نزيدو فالفرص
مغربل مع الخمارة وحنا كنخلطو بطريقة دائرية من الفوق للتحت
باش ميهبطش لينا البيض.
كنكونو مسخنين الفران العادي كندخلوها تطيب
أوراه إلا تبعتو المقادير كتجي طالعة تبارك الله
ملي طابت خليها حتى تبرد
و قطعتها و سقيتها بعصير الليمون مع الحامض والسكر
خديت الكريم فريش وطلعتو
حتى هوا نسمتو بالحامض
ملي كملت المونطاج ديال الطورطة
خديت المربى (كونفتير) ديال الحامض وخويتو عليها
(في حالة معندكش ممكن تعوضيه بالمربى المشمش)
وبالصحة والراحة
